الله ايه الموضوع ده ؟
هوا مفيش حد غيرى يكتب فى المنتدى ده ولا ايه .gif)
محسسنى ان الدنيا فله بتصحوا الصبح تلاقوا البريك فاست على السرير
والحياة ماشيه تمام وقشطه .gif)
ياخبر احوس لتكونوا كده فعلا .gif)
طبعا انا مش بحسد ولا حاجه اكيد عارفين كده .gif)
صح؟
المهم دلوقت
انى عايزه افضفض شويه
وبما انى معتبرة المنتدى ده بيتى هتكلم ببساطه
بداية موضوعى النهارده
يالهووووووووووووووووووووووووووووووووووى اصوت (ماما)
بسم الله الرحمن الرحيم
ف ايه ياماما خضيتينى (انا)
لسه صاحيه انتى عارفة الساعه كام دلوقت (ماما)
(يادى المصيبه قصيدة اليوم هتبدأ انا جوا نفسى )
اه يا ماما الساعه 11 الصبح ايه ال حصل (انا)
يابنتى حرام عليكى صحتك ..........(ماما)
ثانية واحده انا هكمل
انتى شايفه شكلك بقى عامل ازاى
يابنتى انتى دلوقت بيتقدملك عرسان ولازم كل واحد يشوفك حلوة
السهر غلط عليكى يا ايمى هفضل افهمك لحد امتى بس
انا تعبت وزهقت دا انتى لو عيله صغيرة هقول ماشى انما
انى عامله زى مدحت شلبى اهوه ومفيش حاجه بتأثر فيكى (انا ع لسان ماما)
(مظلومه والله دا انا عامله زى السردين 59ك بس ).gif)
انت كمان مش عاجبك كلامى وبتتريقى (ماما)
لالالالالالا ياماما اوعى تقولى كده ان شالله اطس ف نظرى لو كنت اقصد كده (انا)
ياماما افهمينى انا كائن ليلى مش بعرف انام بالليل واصحى الصبح كده عادى
طب اعقليها انتى كده واحده صاحية من النوم 8 المغرب عيزاها تنام تانى امتى ؟؟(انا)
طب ارحمى انتى عنيكى من التليفزيون و النت ال انت قاعده لهم طول النهار (ماما)
وبعدين تعالى هنا قوليلى
هتقولى ايه لربنا لما يسألك ع الصلوات ال ضيعتيها بنومك (ماما بردو)
لا ياماما رفع القلم عن ثلاث منهم النايم (انا)
انت حره انا نصحتك وانتى حره (ماما )
تصبحى ع خير ياست الكل (انا)
تتمسى انتى ع خير ياختى (ماما)
بالرغم من انى ردى تقريبا بيبقى جاهز لكل كلمه ماما تقولها
الا انى مقتنعه من جوايا ان حياتى ماشيه غلط مش صح
مش طبيعى ان اقلب كلام ربنا (وجعلنا الليل لباسا وجعلنا النهار معاشا )
بس والله بحاول اتغير ومش عارفه.gif)
انا حاسه ان لو طريقه نومى اتغيرت كل حاجه بعد كده هتبقى تمام
ايه رأيكم اخد منوم ولا اعمل ايه ؟.gif)
طبعا ال عايزاكم تتأكدوا منه ان الحوار ده مش اول مرة يحصل النهارده
ده بيتكرر كل يوم زى ما يكون شريط مسجلينه ويمكن يكون 3 او 4 مرات طول الليل
والاكيد بردو ان الحوار مش دايما بيبقى شفوى
يعنى ف الاعم الاغلب بيقلب عملى بيبقى فى شباشب (عذرا)بتتحدف
ولا مانع من استخدام المكنسه المنزليه (المقشه ).gif)
وكان الله بالسر عليم
_________________
أنا عايش وكل الهم فى صدرى
أحاول أخفى دمعى عن ال يحبونى
أنا ما قتل قلبى سوى غالى رحل عنى
أعطانى الحب بالأول وتانى الأمر خلانى
.gif "[smile3 (18).gif]")
