موضوع مؤسف للغايه ويتكرر مراراً كل يوم
ولكن مش بس الاسعاف والانقاذ هما اللي مخطئين
احنا نسينا المخطئ الاكبر وهما السائقين اللي لا يوجد مثيل لهم على مر التاريخ في كل الامم
السواق في مصر ضاربها صرمة زي ما بنقول وعامل فيها الانسان المطحون اللي مش لاقي ياكل وعشان كده تلاقيه بيضيع فلوسه وصحته وتركيزه بحجة انها كده كده خربانه والدنيا خربانه كما قال الشاعر الكبير اللي هما عارفينه
وعلى فكرة السواقين بيكسبو بس بيضيعو فلوسهم عالكيف وده واضح جدا مفيش كلام
المهم السواق سوبر مان باشا اول ما يعمل حادثه تلاقيه قعد يولول ويصوت على حظه وعلى نصيبه الهباب
ويصعب علينا اللي حصله وبعدين نقعد نلوم في الاسعاف
وانا مش بتضامن ولا بدافع عن الاسعاف
لكن انا بوضح ان الكارثه مش وصول الاسعاف متأخر وعدم قيامهم باللازم لكن الكارثه الحقيقيه هي انعدام الاحساس وقلة العقل وكل المعاني السيئه عند اغلب من يقودو سيارات في مصر سواء اجرة او ملاكي وطبعا الموتوسيكلات والفزب دي داهية لوحدها
اسف على الاطاله
_________________
حـرٌ و مذهبُ كل حـر مذهبي
ما كنتُ بالغاوي ولا المتعصبِ
إنـي لأغضب للـكريم ينوشـه
من دونه وألوم من لم يغضب
وأحــــب كـل مهـذب ولـو أنـه
خصمي وأرحم كل غير مهذب ِ
